Hlutabréf þýska flugfélagsins Lufthansa, stærsta flugfélag í Evrópu miðað við veltu, lækkuðu um 13,86% í dag.
Flugfélagið tilkynnti í morgun að félagið myndi ekki ná rekstrarmarkmiðum sínum næstu tvö árin.
Félagið kennir mikilli samkeppni um frá öðrum flugfélögum, sem hafa lækkað verð á helstu leiðum þess innan Evrópu og til Bandaríkjanna.
Þriggja daga verkfall í apríl olli 60 milljóna evra tapi, um 9 milljarða króna.
Lufthansa gerir ráð fyrir að hagnaður ársins verði 1 milljarður evra í stað áætlunar um 1,3-1,5 milljarð evra.
Áætlun ársins 2015 hefur einnig verið lækkuð, úr 2,65 milljörðum evra í 2 milljarða.
