Nikkei hlutabréfavísitalan í Japan lækkaði í dag um 0,11%. Lítil velta var í viðskiptum dagsins enda eru flestir fjármálamarkaðir lokaðir í tilefni hátíðanna.
Fjármálafyrirtæki og veitufyrirtæki voru þau fyrirtæki sem helst lækkuðu í viðskiptum dagsins. Veitufyrirtækin lækkuðu um samtals 3,93% en þjónustufyrirtæki hækkuðu um 0,65%. Útflutningsfyrirtæki lækkuðu einnig í viðskiptum dagsins, en Toyota lækkaði um 0,76%, Honda um 0,69% og Panasonic um 0,83%
Hlutabréfamarkaðir í Kína hækkuðu lítillega í viðskiptum dagsins. Samsetta vísitalan í Sjanghæ hækkaði um 0,4% í viðskiptum dagsins. Kína og Japan voru einu af stóru fjármálamörkuðunum í Asíu sem voru opnir í dag.
