Dómsmálaráðuneytið í Bandaríkjunum hefur opnað rannsókn á mögulegri markaðsmisnotkun hjá Tesla. Hlutabréfaverð í fyrirtækinu lækkaði um 4% í kjölfarið á því að fréttir bárust af rannsókninni. Þetta kemur fram á BBC .
Forstjóri fyrirtækisins, Elon Musk, tweetaði um að afskrá fyrirtækið af markaði en hætti síðar við áformin.
„Ég er að íhuga að taka Tesla af markaði á verðinu 420 bandaríkjadollurum," ritaði hann á Twitter-aðgangi sínum þann 7. ágúst síðastliðinn.
Tesla stóð nú þegar frammi fyrir opinberri rannsókn af hálfu verðbréfaeftirlitsins í Bandaríkjunum sökum málsins.
