Á aðalfundi Hampiðjunnar í síðustu viku var samþykkt að greiða hluthöfum um 146 milljónir króna í arð vegna síðasta rekstrarárs. Upphæðin nemur 30% af nafnverði hlutafjár. Þá var tillaga um heimild til kaupa á eigin bréfum samþykkt á aðalfundinum. Greint er frá niðurstöðum fundarins í tilkynningu til Kauphallarinnar. Heimild til kaupanna stendur í 18 mánuði og takmarkast við að kaup fari ekki yfir 10% af heildarhlutafé félagsins. Kaupverðið skal hæst vera 15% yfir síðasta viðskiptagengi á First north markaðinum, þar sem Hampiðjan er skráð. Sjálfkjörið var í stjórn félagsins, þar sem fimm buðu sig fram til stjórnarsetu. Jón Guðmann Pétursson er forstjóri Hampiðjunnar.