Hluthafar bresku verslunarkeðjunnar Matalan hafa samþykkt kauptilboð í fyrirtækið frá John Hargreaves, stofnanda fyrirtækisins, sem nemur 817 milljónum punda, eða um 104 milljörðum íslenskum króna, segir í tilkynningu til Kauphallarinnar í London.
Kaupþing banki hefur samþykkt að fjármagna tilboðið eftir að Barclays-bankinn ákvað að slíta samstarfinu við Hargreaves.
Ekki er vitað hvort að Kaupþing muni taka stöðu í fyrirtækinu með Hargreaves, en bankinn fjárfestir oft með viðskiptavinum sínum í verkefnum. Heimildarmenn Viðskiptablaðsin segja að Kaupþing muni leita til annarra banka um að sölutryggja fjármögnunarpakkann.
Hargreaves og fjölskylda ráða yfir um 53% hlut í Matalan, en félagið er skráð í Kauphöllina í London.