Tvær verslanir vinsælu fatakeðjunnar H&M verða opnaðar á Íslandi, annars vegar í Smáralind og hins vegar í miðbæ Reykjavíkur.

Uppbygging í Hafnartorgi

Kemur þetta fram í fréttatilkynningu frá fasteignafélaginu Reginn sem á meðal annars Smáralindina, en í gær var undirritaður leigusamningur félaganna.

Munu verslanirnar opna á árunum 2017 og 2018, verður önnur í Smáralind en hin í Hafnartorgi í miðbæ Reykjavíkur.

Er mat Regins að samningurinn um verslun H&M á Hafnartorgi verði stór liður í uppbyggingu öflugrar verslana- og þjónustueiningar í miðbæ Reykjavíkur.