Verðbréfafyrirtækið Arctica Finance hagnaðist um 198 milljónir króna á síðasta ári og dróst hagnaðurinn saman um tæpar fjórtán milljónir milli ára.
Tekjur frá rekstri drógust saman um tæplega 80 milljónir samanborið við 2017. Starfsmenn á liðnu ári voru að meðaltali 21 og voru þeim greiddar rúmar 288 milljónir í laun á árinu.
Í nýliðnum mánuði var kveðinn upp dómur í Héraðsdómi þar sem stjórnvaldssekt vegna brota á reglum um kaupauka, var lækkuð úr 72 milljónum í 24 milljónir. Dómnum hefur verið áfrýjað til Landsréttar og er áhrifa hans ekki getið í ársreikningi.
Nánar er fjallað um málið í Viðskiptablaðinu. Áskrifendur geta nálgast blaðið undir Tölublöð , aðrir geta skráð sig í áskrift hér .
