Hörður Arnarsson forstjóri Landsvirkjunar var tekjuhæstur embættismanna og forstjóra ríkisfyrirtækja í fyrra, en tekjur hans námu rétt tæplega 3,7 milljónum króna að jafnaði á mánuði, samkvæmt álagningarskrám ríkisskattstjóra.
Þetta er meðal þess sem fram kemur í tekjublaði Frjálsrar verslunar sem kom út á þriðjudag. Í blaðinu má finna upplýsingar um tekjur ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.
Næstur í röðinni var Bergþóra Þorkelsdóttir forstjóri Vegagerðarinnar, en hún var með að jafnaði rétt tæplega 300 þúsund krónum minna á mánuði, eða um 3,4 milljónir á mánuði.
Fimm tekjuhæstu í flokki embættismanna og forstjóra ríkisfyrirtækja:
- Hörður Arnarson, forstj. Landsvirkjunar 3,7 milljónir
- Bergþóra Þorkelsdóttir, forstj. Vegagerðarinnar 3,4 milljónir
- Páll Matthíasson, forstj. Landspítala 2,7 milljónir
- María Heimisdóttir, forstjóri Sjúkratrygginga Íslands 2,3 milljónir
- Þórsteinn Ragnarsson, forstjóri Kirkjugarða Reykjavíkur 2.2 milljónir
Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.
Árétting:
Í tekjublaði Frjálsrar verslunar var Gestur Pétursson á lista yfir embættismenn og forstjóra ríkisfyrirtækja og titlaður sem framkvæmdastjóri Veitna. ofh. Gestur, sem var með tæplega 3,1 milljón króna að jafnaði í laun á mánuði í fyrra, hefur ekki tekið við starfi sínu hjá Veitum. Í fyrra starfaði hann sem forstjóri Elkem. Á þessum lista eru einni forstjórar opinberra fyrirtækja.
Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak
hér
.