Á fyrsta fundi fjármálastöðugleikaráðs ársins 2016 var fjallað um áhættu í fjármálakerfinu. Niðurstaða fundarins var sú að horfur væru á auknu ójafnvægi í þjóðarbúskapnum á næstu misserum.
Aðalefni fundarins var þó eiginfjáraukar. Greiningar kerfisáhættunefndar benda til þess að þremur eiginfjáraukum verði komið á, að mati fjármálastöðugleikaráðs.
Settir verði á eiginfjáraukar í eftirfarandi stofnunum:
- 2% eiginfjárauki á kerfislega mikilvæg fjármálafyrirtæki - Arion banki, Íslandsbanki og Landsbanki.
- Eiginfjárauki vegna kerfisáhættu sem nemur 3% af áhættuvegnum innlendum eignum á fyrrnefndar kerfislega mikilvægar innlánsstofnanir.
- 1% sveiflujöfnunarauki á öll fjármálafyrirtæki á samstæðugrunni, nema þau sem eru undanskilin eiginfjáraukaskyldum.
Tillögur fjármálastöðugleikaráðs gera ráð og rúm til þess að nokkur aðlögunartími sé veittur til þess að bregðast við auknum eiginfjárkröfum.
Miðað við núverandi stöðu fjármálakerfisins nemur nauðsynleg eiginfjáraukning um það bil 9 milljörðum íslenskra króna fyrsta ársfjórðung 2017 eða um 1,5% af heildareiginfé innlánsstofnananna.
