Mánaðargömlum horfum Sjóvár hefur verið kippt úr gildi. Ástæðan er veirufaraldur sá sem nú geisar og afleiðidd áhrif hennar. Þetta kemur fram í tilkynningu til Kauphallarinnar.
„Óvissan snýr einkum að afkomu af fjárfestingastarfsemi félagsins sem er háð þróun á eignamörkuðum. Í lok dags í gær 11. mars var afkoma af eignasöfnum félagsins óveruleg. Ákveðið hefur verið að uppfæra ekki horfur félagsins fyrr en betur er komið í ljós hver skammtíma- og langtímaáhrif verða á íslenskt hagkerfi,“ segir í tilkynningunni.
Horfur félagsins voru birtar þann 13. febrúar en hafa nú verið felldar úr gildi. Í tilkynningunni segir að félagið sé fjárhagslega sterkt og vel í stakk búið til að mæta þeim aðstæðum sem það stendur frammi fyrir. Þá sér félagið með afar traustan rekstur og efnahag.
