Hörður Arnarson, forstjóri Marel Food Systems, sagði það væri rúm til að bæta rekstur dótturfélaga. Og nefndi að hægt væri að auka samlegð á kostnaðarhliðinni. Hann vildi þó ekki tjá sig um einstaka dótturfélög. Þetta kom fram á afkomufundi fyrirtækisins í morgun.
Afkoma Marels á þriðja ársfjórðungi var í takt við væntingar stjórnenda, að sögn Harðar.
Marel hagnaðist um 4,5 milljónir evra á þriðja fjórðungi samanborið 5,8 milljóna evra tap á sama tíma fyrir ári. Salan jókst um 158,1% á milli ára. Hún nam 170,6 milljónum evra á fjórðungnum. Söluaukninguna má að mestu rekja til yfirtöku á Stork.
Á fyrstu níu mánuðum ársins nemur arðsemi eigin fjár 8,4% samanborið við 2,4% á sama tíma fyrir ári.
Eiginfjárhlutfallið nemur 32,5% samanborið við 38,5% á sama tíma fyrir ári.
