Höskuldur Ásgeirsson hættur sem forstjóri Nýsis hf.

Höskuldur Ásgeirsson hefur gert samkomulag við félagið um að hann láti af störfum sem forstjóri Nýsis hf.

Höskuldur tók við starfi forstjóra þann 1. desember 2007 og hefur stýrt félaginu í gegnum miklar aðhalds- og hagræðingaraðgerðir í rekstri sem skilað hafa miklum árangri, ásamt því að leysa úr þeirri erfiðu stöðu sem uppi hefur verið hjá félaginu sökum lánsfjárkreppunnar segir í tilkynningu á heimasíðu félagsins. Sigfús Jónsson tekur við starfi forstjóra félagsins.