Hreyfill svf. hagnaðist um 47,3 milljónir króna í fyrra, sem er 39% minni hagnaður en árið á undan. Rekstrartekjur Hreyfils-samstæðunnar voru 433,6 milljónir króna en inni í henni er einnig dótturfélagið Bæjarleiðir ehf. Þetta kemur fram í ársreikningi fyrirtækisins.
Tekjur samstæðunnar jukust um 1% milli ára. Handbært fé frá rekstri Hreyfils nam 102 milljónum króna og var um 1,7 milljóna króna arður greiddur til minnihluta eigenda félagsins. Eignir Hreyfils námu 840 milljónum króna um síðustu áramót og var eigið fé félagsins 522 milljónir króna.
