Séreignarsjóðurinn Vista, sem rekinn er af Kaupþingi banka og tekur við viðbótarlífeyrissparnaði, skilaði síðastliðið ár hæstu ársávöxtun frá því sjóðurinn var stofnaður. Þetta kemur fram í fréttatilkynningu frá félaginu.
Sjóðurinn býður upp á átta mismunandi fjárfestingarleiðir og ein þessara leiða, Innlend hlutabréf, skilaði 67,4% nafnávöxtun og er það 2,7% umfram hækkun úrvalsvísitölunnar.
?Flestar fjárfestingarleiðir hækkuðu meira en viðmiðunarvísitölur þeirra," segir í tilkynningunni.
Séreignarsjóðurinn Vista var stofnaður árið 2001 og eru sjóðfélagar um 27 þúsund og stærð sjóðsins tæpir fjórir milljarðar.
