Á öðrum ársfjórðungi þessa árs tók kínverski fjarskiptatækjaframleiðandinn Huawei fram úr Apple í fjölda seldra farsíma, og er því kominn í 2. sætið á eftir tæknirisanum Samsung, sem tók fram úr Apple árið 2011.
Huawei seldi 54 milljónir síma á fjórðungnum, vel yfir þeim 41 milljónum sem Apple seldi, en langt undir 73 milljónum Samsung, sem er með 21% markaðshlutdeild, á meðan Huawei er með tæplega 16% og Apple um 12%.
Sölutölur Huawei, eins og annarra kínverskra framleiðanda, hafa verið að vaxa hratt undanfarið, á meðan tölur Samsung, Apple, og LG, sem vermdi 7. sætið árið 2017, hafa nánast staðið í stað. Huawei seldi 10% fleiri síma 2017 en 2016, en kínversku framleiðendurnir Oppo, Vivo, og Xiaomi seldu 30%, 36% og 56%, í þeirri röð.
