Húsleit var gerð í morgun á skrifstofum Samherja bæði í Reykjavík og á Akureyri á vegum gjaldeyriseftirlits Seðlabankans með aðstoð embættis sérstaks saksóknara vegna gruns um að fyrirtækið hafi brotið gegn ákvæðum laga um gjaldeyrismál. Húsleitin var samræmd og fóru um 25 manns inn á skrifstofurnar á báðum stöðum klukkan 9:15 í morgun.
Stefán Jóhann Stefánsson, upplýsingafulltrúi Seðlabankans, staðfesti þetta í morgun en vildi hvorki tjá sig um húsleitina né hvaða brot á gjaldeyrishöftum Samherjamenn eru grunaðir um.
Ekki liggur fyrir hvort einhver hafi verið færður til skýrslutöku vegna málsins.
© BIG (VB MYND/BIG)
