*

þriðjudagur, 18. júní 2019
Innlent 29. apríl 2018 10:02

Hvalasafnið á Húsavík í blóma

Safnið hagnaðist um 10,7 milljónir en gestir þess á síðasta ári voru ríflega 34 þúsund.

Ritstjórn
Valdimar Halldórsson, framkvæmdastjóri Hvalasafnsins á Húsavík.

Hvalasafnið á Húsavík, sem er sjálfseignarstofnun sem rekur fræðslumiðstöð og safn um hvali, lífríki þeirra hér við land og sögu hvalveiða og hvalaskoðunar, hagnaðist um 10,7 milljónir króna árið 2017 samanborið við rúmlega 8 milljónir árið áður. Þetta kemur fram í ársreikningi stofnunarinnar.

Gestir safnsins á síðasta ári voru ríflega 34 þúsund. Rekstrartekjur safnsins námu 75,3 milljónir samanborið við 78,5 milljónir árið á undan, en stærsti hluti tekna er sala inngangseyris og minjagripasala. Rekstrargjöld námu 62,6 milljónum en árið 2016 voru þau tæplega 68 milljónir. Rekstrarhagnaður Hvalasafnsins nam því 12,7 milljónum á síðasta ári en var 10,5 milljónir árið á undan.

Eignir Hvalasafnsins námu tæplega 124 milljónum í árslok og var eigið fé 89,8 milljónir. Eigið fé safnsins hefur aukist á síðustu árum samhliða góðri afkomu og hefur safnið því getað fjárfest umtalsvert í nýjum sýningum og sinnt nauðsynlegu viðhaldi.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is