Herferð sem hefur það að markmiði að auka sykurát landsmanna hefur verið hrint af stað í Indlandi. Samtök sykurframleiðanda í landinu segja að markmið herferðarinnar sé „að hrekja mýtur sem eiga sér stað í umræðunni um sykur og áhrif hans á lýðheilsu almennings.“ BBC greinir frá.
Hver og einn Indverji borðar að meðaltali 19 kíló af sykri á ári hverju, sem er langt undir meðalsykurneyslu á hvern íbúa á heimsvísu. Þrátt fyrir það er landið stærsti sykurneytandi á vísu, enda mannfjöldinn sem býr í landinu gífurlegur.
Reiknað er með að sykurframleiðsla í Indlandi muni aukast um 13% á þessu ári, upp í alls 31 milljón tonn. Getur það leitt til offramboðs og þar af leiðandi hafa fyrrgreind samtök gripið til umræddra aðgerða.
