Forstjóri Goldman Sachs, Lloyd Blankfein segir Bandaríkin þurfa að auka fjárfestingar sínar í innviðum til þess að halda í við Kína.
Þetta sagði hann á Twitter í morgun.
Arrived in China, as always impressed by condition of airport, roads, cell service, etc. US needs to invest in infrastructure to keep up!
— Lloyd Blankfein (@lloydblankfein) June 6, 2017
Þetta er einungis þriðja tístið hjá Blankfein eftir hans fyrsta tíst síðastliðinn fimmtudag þar sem hann gagnrýndi Donald Trump Bandaríkjaforseta fyrir að draga Bandaríkin út úr Parísarsamkomulaginu.
Tístið kemur einnig í kjölfarið á því að forsetinn tilkynnti á mánudag um áætlanir um að einka- og nútímavæða bandarískt flugumferðarkerfi. Búist er við því að Trump muni kynna 1.000 milljarða dollara áætlanir um fjárfestingu í innviðum seinna í vikunni.