Úrvalsvísitalan lækkar um 2,31% og er 6.088,79 stig, samkvæmt upplýsingum Kauphallar Íslands.
Þrjú félög hækka í dag. Það er Icelandic Group sem hækkar um 2,34%, Avion Group hækkar um 1,47% og Mosaic Fashions hækkar um 0,57%.
FL Group leiðir lækkunina en félagið lækkar um 4,58%. Samt sem áður hefur fyrirtækið hækkað um 24,06% frá áramótum. Landsbankinn lækkar um 4,41%, Íslandsbanki lækkar um 3,80% og Alfesca lækkar um 2,44%.
Gengi krónunnar styrktist um 0,23%. Dollar hækkar um 0,08% gagnvart krónu en evra lækkar um 0,86% gagnvart krónu, samkvæmt upplýsingum frá Landsbankanum.
