Úrvalsvísitalan (OMXI6) hækkaði um 2% í dag og stóð við lok markaða í 897 stigum.
Vísitalan hækkaði einnig um 2% í gær en Straumur leiddi hækkanir dagsins, annan daginn í röð.
Gamla Úrvalsvísitalan (OMXI15) hækkaði um 0,6% og stendur nú í 321 stigi en hafði um tíma í dag hækkað um 1%..
Á markaðssíðu vb.is má sjá helstu breytingar einstakra félaga í Kauphöllinni en sem fyrr segir leiddi Straumur hækkanir dagsins og hækkaði um 9,9% en. Þá lækkaði Century Aluminum eitt félaga eða um 6,5%.
Velta með hlutabréf var um 160 milljónir króna en þar af eru tæpar 75,5 milljónir króna með bréf í Straum.
Þá var velta fyrir rúmar 68,5 milljónir króna með bréf í Össur og rúmar 5 milljónir króna með bréf í Century Aluminum.