OMXI15 vísitalan lækkaði um 1,9% í dag og stóð við lok markaða í 345 stigum samkvæmt Markaðsvaktinni.
Vísitalan lækkaði um 1% í gær og lækkaði jafnt og þétt í allan dag.
Þá stendur OMXI6 vísitalan, sem mælir sex stærstu félögin í Kauphöllinni, 936 stigum.
Á markaðssíðu vb.is má sjá helstu breytingar einstakra félaga en líkt og í gær leiddi Straumur lækkanir dagsins en félagið lækkaði um 12,3% í dag.
Velta með hlutabréf var tæpar 150 milljónir króna en þar af eru tæpar 60 milljónir króna með bréf í Straum.
Þá er velta fyrir rúmar 40 milljónir króna með bréf í Marel og tæpar 30 milljónir króna með bréf í Össur.