Úrvalsvísitalan lækkaði um 0,13% í dag og var hún 6.072,05 stig þegar markaður lokaði, samkvæmt upplýsingum Kauphallarinnar

Veltan í Kauphöllinni í dag nam 2.185 milljónum króna í alls 196 viðskiptum.

Einungis fjögur félög hækkuðu í viðskiptum dagsins: Icelandic Group hækkaði um 2,68%, Mosaic Fashions um 0,57%, Landsbankinn hækkaði um 0,39% og Avion Group um 0,3%.

Tíu félög lækkuðu í viðskiptum dagsins, mest lækkaði Atlantic Petroleum eða um 2,41%, Flaga Group um 1,97%, Össur um 1,2% og Dagsbrún um 1%.

Krónan styrktist um 0,63% og er nú 122,47 stig, samkvæmt upplýsingum Kaupþings banka.