Eins og VB.is greindi frá hefur leiguíbúðum til ferðamanna í miðborg Reykjavíkur fjölgað mikið að undanförnu. Formaður félags fasteignasala telur að þetta hafi leitt til hækkandi fasteignaverðs í miðborginni.
Ingibjörg Þórðardóttir, formaður Félags fasteignasala, segir í viðtali við mbl.is að þetta eigi þátt í takmörkuðu framboði lítilla íbúða á svæðinu og hafi haft í för með sér að fasteigna- og leiguverð íbúða í miðborginni hefur hækkað. Ingibjörg telur að þessar hækkanir muni smita yfir í nálæg hverfi, eins og Norðurmýri og Hlíðahverfið og að sú þróun sé þegar hafin.
Hún bætir við að einstök félög leigja út tugi íbúða. það hafa átt sér stað töluverð kaup á eignum til langtíma- eða skammtímaleigu. Hún segir að fyrir vikið fækki eignum sem eru boðnar til sölu á almennum markaði.
