Samkvæmt nýju frumvarpi efnahags- og viðskiptaráðherra um breytingar á lögum um gjaldeyrismál eru fjármagnshreyfingar vegna fasteignaviðskipta erlendis almennt óheimilar. Hinsvegar má kaupa gjaldeyri fyrir 100 milljónir, sé sýnt fram á að fasteignakaupin séu í tengslum við búferlaflutninga. Greint er frá þessu á viðskiptasíðu Morgunblaðsins í dag.
Einnig eru sett talmörk á hversu dýran bíl fólk sem flytur utan getur keypt sér ef það þarf að kaupa gjaldeyri. Samkvæmt frumvarpinu má ekki kaupa gjaldeyri fyrir meira en 10 milljónir króna vegna bílakaupa í tengslum við búferlaflutninga erlendis. Tekið er fram að slík viðskipti séu einungis heimil einu sinni.
