*

mánudagur, 26. júlí 2021
Innlent 7. nóvember 2011 16:01

Íbúðalánasjóður og ríkissjóður skipta á ríkisbréfum

Eiginfjárframlag ríkissjóðs í Íbúðalánasjóð fer nú úr því að vera óverðtryggt í að vera verðtryggt.

Ritstjórn
Sigurður Erlingsson er framkvæmdastjóri Íbúðalánasjóðs.
Birgir Ísl. Gunnarsson

Ákveðið er að ríkissjóður kaupi til baka óverðtryggð bréf af Íbúðalánasjóði fyrir 32,5 milljarða króna að nafnverði. Viðskiptin, sem munu ganga í gegn á miðvikudag, fela í sér að eiginfjárframleag ríkissjóðs inn í Íbúðalánasjóð breytist úr því að verða óverðtryggt í að vera verðtryggt.

Á móti óverðtryggðu bréfunum afhendir ríkissjóður Íbúðalánasjóði verðtryggð bréf í flokki RIKS 30 0701 fyrir 31,6 milljarða króna.

Í tilkynningu kemur fram að markmiðið sé að draga úr verðtryggingaráhættu Íbúðalánasjóðs en megnið af skuldbindingum hans eru verðtryggðar.

Aðgerðin hefur óveruleg áhrif á skuldastöðu ríkissjóðs, eins og segir í tilkynningunni.