Úrvalsvísitala Kauphallar Nasdaq Iceland hækkaði um 1,31% í viðskiptum dagsins og stendur hún nú í 1775,51 stigi eftir tæplega 1,5 milljarða viðskipti. Munaði þar mest um 4,32% hækkun á gengi bréfa Icelandair Group í 563 milljóna króna viðskiptum.

Gengi bréfa Marel hækkaði um 1,6% í 410 milljóna viðskiptum og Regins um 1,32% í 42 milljóna viðskiptum

Gengi bréfa Nýherja lækkaði um 1,52% í 48 milljóna króna viðskiptum og HB Granda um 0,61% í 55 milljóna viðskiptum.

Vísitölur Gamma

Skuldabréfavísitala Gamma hækkaði lítillega í dag í 3,1 milljarða viðskiptum. Þar lækkaði verðtryggði hluti vísitölunnar um 0,02% í litlum viðskiptum á meðan sá óverðtryggði hækkaði um um 0,18%.