Úrvalsvísitala Kauphallar Nasdaq Iceland hækkaði um 0,05% í viðskiptum dagsins og stendur hún nú í 1793,30 stigum eftir rúmlega 1,1 milljarðs viðskipti.

Mest velta var í viðskiptum með bréf Icelandair Group sem lækkuðu um 3,26% í 564 milljóna króna viðskiptum.

Gengi bréfa N1 hækkaði um 0,86% í 20 milljóna króna viðskiptum og Marel um 0,82% í 228 milljóna viðskiptum.

Gengi bréfa Fjarskipta lækkaði um 0,4% í 96 milljóna króna viðskiptum og Símans um 0,12% í 41 milljóna viðskiptum.

Vísitölur Gamma

Skuldabréfavísitala Gamma hækkaði um 0,1% í 1,1 milljarða viðskiptum. Þar hækkaði verðtryggði hluti vísitölunnar um 0,11% og sá óverðtryggði um 0,1%.