Úrvalsvísitala Kauphallar Nasdaq Iceland hækkaði um 0,78% í dag og lokagildi hennar var 1.755,72. Hún hefur því hækkað um 2,64% frá áramótum. Heildarvelta á mörkuðum nam ríflega 5,9 milljörðum króna og þar af var velta á hlutabréfamarkaði 1,7 milljarðar króna og velta á skuldabréfamarkaði 4,2 milljarðar króna.

Gengi bréfa Icelandair Group hækkaði um 2,82% í viðskiptum dagsins. Velta með bréf Icelandair nam 491,5 milljónum króna. Einnig hækkaði gengi bréf Marels hf. um 1,08% í 167 milljón króna viðskiptum. Gengi hlutabréfa Haga lækkaði hins vegar um 1,06% í 126,3 milljón króna viðskiptum.

Vísitölur GAMMA

Markaðsvísitala GAMMA hækkaði um 0,2% í dag í 5,9 milljarða viðskiptum. Hlutabréfavísitala GAMMA hækkaði um 0,6% í dag í 1,8 milljarða viðskiptum.

Skuldabréfavísitala GAMMA hækkaði um 0,1% í dag í 4,1 milljarða viðskiptum. Verðtryggði hluti vísitölunnar hækkaði um 0,1% í 0,5 milljarða viðskiptum og óverðtryggði hluti vísitölunnar lækkaði lítillega í 3,6 milljarða viðskiptum.