Úrvalsvísitala kauphallar Nasdaq Iceland lækkaði um 0,07% í viðskiptum dagsins og stendur hún nú í 1811,89 stigum eftir rúmlega 2,2 milljarða viðskipti.
Mest velta var í viðskiptum með bréf Icelandair Group sem lækkuðu um 7,74% í 881 milljóna króna viðskiptum. Fyrirtækið birti í gær uppgjör fyrir annan ársfjórðung.
Gengi bréfa Marel hækkaði um 1,5% í 782 milljóna viðskiptum og Símans um 0,97% í 91 milljóna viðskiptum
Gengi bréfa VÍS lækkaði um 0,68% í tæplega 21 milljóna króna viðskiptum.
