*

fimmtudagur, 27. júní 2019
Innlent 29. nóvember 2018 07:11

Icelandair rætt við Guide to Iceland

Icelandair Group hefur átt í viðræðum við Guide to Iceland um dótturfélagið Iceland Travel.

Ingvar Haraldsson
Davíð Ólafur Ingimarsson, forstjóri Guide to Iceland.
Haraldur Guðjónsson

Samkvæmt heimildum Viðskiptablaðsins hefur Icelandair Group átt í viðræðum um sölu eða samstarf milli dótturfélagsins Iceland Travel og bókunarfyrirtækisins Guide to Iceland. Samkvæmt heimildum blaðsins hefur þó lítil hreyfing verið á málinu eftir að greint var frá kaupum Icelandair á Wow air.

Iceland Travel var á árinu 2017 stærsta innlenda ferðaþjónustufyrirtæki landsins með veltu upp á 12,6 milljarða króna. Afkoma félagsins hefur hins vegar verið nokkuð döpur en hagnaður síðasta árs nam 40 milljónum króna. Þá kom fram í kynningu Icelandair Group á uppgjöri þriðja ársfjórðungs að rekstur Iceland Travel hefði verið erfiður það sem af er ári vegna erfiðs rekstrarumhverfis. Velta Guide to Iceland nam 4,8 milljörðum króna á síðasta ári og jókst um 69% milli ára. Þá nam hagnaður félagsins 676 milljónum króna.

Nánar er fjallað um málið í Viðskiptablaðinu sem kom út í dag. Áskrifendur geta nálgast pdf-útgáfu af blaðinu með því að smella á hlekkinn Tölublöð.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is