Icewear hefur opnað nýja útivistarverslun í Kringlunni undir merkjum Icewear Magasín. Er þetta sextánda verslun Icewear en fyrir eru verslanir í Smáralind, átta í miðbæ Reykjavíkur, ein í Fákafeni, tvær á Akureyri, ein í Vík og ein í Vestmannaeyjum.
„Verslunin í Kringlunni verður skemmtilegt skref fyrir okkur inn á íslenska markaðinn en opnunarpartíið verður eitthvað að bíða eins og staðan er í dag," er haft eftir Aðalsteini Pálssyni, framkvæmdastjóra í tilkynningunni.
Í versluninni í Kringlunni verður seldar vörur undir merkjum Icewear , sem hannaðar eru á Íslandi en einnig vörur frá norska fyrirtækinu Helly Hansen og gönguskór frá Asolo og Salewa , sem eru ítölsk merki. Þetta kemur fram í tilkynningu frá Icewear . Auk þess að selja útivistarfatnað verður í versluninni einnig að finna hversdagsfatnað fyrir skólann og vinnuna.
