Heimili sem vilja breyta verðtryggðum lánum í óverðtryggð eiga að fá að gera það með lágum tilkostnaði, hvort sem lántakendur hafa verið í viðskiptum við viðkomandi eða eru að færa við skipti sín til annars fjármálafyrirtækis.
Þetta kemur fram í ályktun stjórnar Neytendasamtakanna en þar segir m.a. að þau styðji það úrræði fjármálafyrirtækja að bjóða óverðtryggð lán með föstum vöxtum til íbúðarkaupa.
Þá er Íbúðalánasjóður hvattur til þess að bjóða upp á slík lán sem fyrst en Neytendasamtökin leggja áherslu á að lögum eða reglum verði breytt þannig að sett verði þak á mögulega vaxtahækkun slíkra lána sem og á verðtryggðum lánum.