Eftir að Steingrímur J.hætti sem fjármálaráðherra um áramótin gerðu margir ráð fyrir því að Indriði H. Þorláksson myndi láta af störfum í kjölfarið. Indriði er þó enn við störf í ráðuneytinu.
Viðskiptablaðið sendi fjármálaráðuneytinu fyrirspurn í síðustu viku þar sem spurt var um stöðu Indriða H. Þorlákssonar innan ráðuneytisins auk annarra þátta um störf og starfshagi Indriða hjá ráðuneytinu.
Fjármálaráðuneytið brást fljótt við og í skriflegu svari til Viðskiptablaðsins kemur fram að gerður hafi verið starfssamningur við Indriða um sérstaka ráðgjöf á sviði skattamála, auðlinda- og stóriðjumála, samskipti við sveitarfélög á sviði fjármála og tekna sveitarfélaga og samskipti við Alþjóðagjaldeyrissjóðinn um áætlanir í ríkisfjármálum.
"Ekki er um eiginlegan ráðningarsamning að ræða. Starfssamningurinn gerir ráð fyrir greiðslu tímakaups, sbr. ákvæði [...] í kjarasamningum, fyrir vinnuframlag sem ræðst af þeim verkefnum sem unnin eru að óskum ráðuneytisins á hverjum tíma," segir í svari ráðuneytisins. Þá kemur fram að samkomulag sé um greiðslu tímakaups, en ekki utanaðkeypta þjónustu (t.d. verktakagreiðslu).
Nánar er fjallað um málið í Viðskiptablaðinu sem kemur út í fyrramálið.
Meðal annars efnis í Viðskiptablaðinu á morgun er:
- Bankastarfsmenn eru flestir í vinnu þrátt fyrir réttarstöðu
- Arnór Sighvatsson, aðstoðarseðlabankastjóri, er með hærri laun en Már Guðmundsson, seðlabankastjóri
- Atvinnuþátttaka hefur ekki verið minni í 21 ár
- Landsbankinn sölutryggir Tryggingarmiðstöðina
- Samherji og lífeyrissjóðir eignast Jarðboranir
- Áframhald af umfjöllun um skuldarstöðu sveitafélaga – Austurland
- Fréttaskýring; Pólitíkin á bakvið landsdóm og tillögu þess efnis að draga ákæru á hendur Geir H. Haarde til baka
- Fréttaskýring: Flugstöð Leifs Eiríkssonar sprungin í kjölfar fjölgunar flugfarþega
- CCP stofnar fyrirtæki til að taka þátt í gjaldeyrisútboðum Seðlabankans
- Úttekt: Fyrirtæki á bætiefnamarkaði velta um milljarði króna
- Viðtal við Ásbjörn Gíslason, forstjóra Samskipa
- Óðinn fjallar um gjaldeyrishöftin, Týr um yfirvofandi uppsagnir í fyrirtækjum
- Þemasíður: Dægurmenning, þjóðmál, sport og peningar, bílasíða