Viðskiptablaðið spurði fjölmiðlakonuna Ingu Lind Karlsdóttur út í eitt og annað sem henni þótti standa upp úr á nýliðnu ári.
Brúðkaup ársins: Bjarni Ben og Sigmundur Davíð. Vonandi endist það eitthvað hjá þeim.
Dóni ársins: Maðurinn á appelsínugula Range Rovernum.
Hneyksli ársins: Veðrið á Íslandi í sumar. Hroðbjóður. Og það á heitasta ári heims frá því að mælingar hófust. Sveiattan.
Hetja ársins: Arnhildur Anna Árnadóttir (6. sterkasta unga kona heims) sem tekur 180 kg í hnébeygju og réttstöðulyftu.
Frétt ársins: Stærð og fylgi Framsóknarflokksins.
Matarkúr ársins: Í mínu tilfelli? Þegar ég uppgötvaði að bjór er góður dósamatur.
Óvænt ánægja ársins: Gengi íslenska karlalandsliðsins í knattspyrnu.
Bömmer ársins: Að hafa ekki náð að rekast á neinn leikara úr Game of Thrones á meðan þeir voru hérna.
Besti brandari ársins: Hinn staki strigaskór forsætisráðherra á fundi með leiðtogum Norðurlandanna og Obama.
Mest þreytandi brandari ársins: Prófkjör hjá Sjálfstæðisflokknum.
Lesa má viðhorf fleiri í Áramótum, tímariti Viðskiptablaðsins.