Ingi Rafn Ólafsson hefur verið ráðinn sviðsstjóri á prenttæknisviði IÐUNNAR fræðsluseturs, að því er kemur fram í frétt á vefsíðu Samtaka iðnaðarins. Björn M. Sigurjónsson sagði starfi sínu lausu í febrúar síðastliðnum. Starfið var auglýst og sóttu 29 einstaklingar um stöðuna.
Ingi Rafn starfaði áður sem framkvæmdastjóri Prenttæknistofnunar frá 2001 til 2005 og undanfarin ár sem markaðs- og kynningarstjóri Verkfræði- og náttúruvísindasviðs Háskóla Íslands. Hann mun hefja störf að fullu frá og með 1. maí.