Það er gjarnan til marks um uppgang í efnahagslífinu að brottfluttir einstaklingar snúa aftur heim og erlent vinnuafl tekur að sækja í auknu mæli til landsins í von um atvinnutækifæri. Kannanir á vegum Samtaka atvinnulífsins og Samtaka iðnaðarins, sýna svo ekki verður um villst að skortur er á starfsfólki í ýmsum starfsgreinum og tölur Hagstofunnar endurspegla ástandið. Innflytjendum fjölgar hratt og fer hlutfallið að nálgast það sem þekktist á árunum fyrir hrun en erlendum ríkisborgurum fjölgar mest á Suðurlandi og Suðurnesjum.
Hlutfallið „betra“ nú en á árunum fyrir hrun
Ef litið er til talna Hagstofu Íslands má sjá hvernig hlutfall aðfluttra Íslendinga umfram brottflutta var neikvætt um 167 einstaklinga á uppgangsárinu örlagaríka 2007. Hlutfallið hækkaði svo snarlega á árunum 2009–2012. Ástandið náði ákveðnum hápunkti árið 2009 þegar 4.851 Íslendingur flutti í burtu frá landinu á meðan aðeins 2.385 fluttu heim. Hlutfall aðfluttra umfram brottfluttra Íslendinga var því neikvætt um 2.466 einstaklinga.
Tölur Hagstofunnar sýna að í fyrra var hlutfall aðfluttra Íslendinga umfram brottfluttra „betra“, ef svo má að orði komast, en á árunum fyrir hrun, þegar hlutfallið var aðeins neikvætt um 146 einstaklinga. Hinsvegar vekur athygli hve lágt hlutfallið var árið 2013 og hátt árið 2015.
Nánar er fjallað um málið í Viðskiptablaðinu. Áskrifendur geta nálgast eintak af blaðinu á pdf-formi með því að smella á hlekkinn Tölublöð.