Í byrjun ársins 2017 voru tæplega 37 þúsund innflytjendur á Íslandi eða 10,6% mannfjöldans. Það er fjölgun frá því þegar þeir voru 9,6% landsmanna. Frá árinu 2012 hefur þeim fjölgað úr því að vera 8% mannfjöldans upp í 10,6%. Þetta kemur fram í tölum sem Hagstofa Íslands hefur tekið saman.
Annarri kynslóð innflytjenda fjölgaði einnig á milli ára, voru 4.158 í fyrra en 4.473 nú. Samanlagt er fyrsta og önnur kynslóð innflytjenda 12% af mannfjöldanum og hefur það hlutfall aldrei verið hærra. Einstaklingum með erlendan bakgrunn, öðrum en innflytjendum, fjölgaði einnig lítillega milli ára, voru 6,7% mannfjöldans í fyrra en 6,8% nú.
Pólverjar enn langfjölmennastir
Eins og síðastliðin ár eru Pólverjar langfjölmennasti hópur innflytjenda hér á landi. Um áramótin voru 13.771 einstaklingar frá Póllandi eða 38,3% allra innflytjenda. Þar á eftir koma innflytjendur frá Litháen og Filippseyjum. Pólskir karlar eru 42,3% allra karlkyns innflytjenda.
Í byrjun árs 2017 voru karlar í meirihluta innflytjenda en frá árinu 2011 hafa konur verið fjölmennari þar til nú. Í byrjun árs voru 1.063 karlar á hverja konur. En þrátt fyrir að karlar séu nokkuð fjölmennari almennt meðal innflytjenda er kynjahlutfallið mjög misjafnt eftir því hvaðan innflytjendur eiga uppruna sinn til.
Alls fengu 703 einstaklingar íslenskan ríkisborgararétt í fyrra og er það fækkun frá fyrra ári þegar 801 fengu ríkisborgararétt. Af þeim 703 einstaklingum sem fengu íslenskt ríkisfang höfðu langflestir verið með ríkisfang frá Póllandi eða 224 og næst flestir með verið með ríkisfang frá Filippseyjum eða 55.
