*

fimmtudagur, 29. júlí 2021
Innlent 7. janúar 2021 14:14

Innkalla Kona bíla vegna þungrar bremsu

BL innkallar 49 bifreiðar að gerðinni Kona EV vegna hugbúnaðarvillu sem veldur of því að bremsupetali verður of þungur.

Ritstjórn
Aðsend mynd

Bifreiðaumboðið BL Hyunday innkallar 49 Hyundai Kona EV rafmagnsbifreiðar vegna of þungra bremsupetala að því er Neytendastofa greinir frá á vefsíðu sinni.

Bifreiðarnar, sem eru af árgerð 2018 til 2020, eru sagðar með hugbúnaðarvillu sem mögulega geti valdið því að bremsupetalinn verði þungur en hægt er að gera við þá með hugbúnaðaruppfærslu.

Verður viðkomandi bifreiðaeigendum tilkynnt um innköllunina bréfleiðis eða símleiðis en um er að ræða rafknúna smájeppa. Eins og Viðskiptablaðið fjallaði um á dögunum eru rafbílar nú um fjórðungur allra nýskráðra bíla hér á landi.

Stofnunin hvetur jafnframt bifreiðaeigendur til að fylgjast vel með hvort verið sé að innkalla þeirra bifreiðar og hafa sambandi við umboðið ef þeir séu í vafa.

Stikkorð: Neytendastofa Hyundai Kona