Ísbúð Vesturbæjar ehf., sem rekur fimm ísbúðir á höfuðborgarsvæðinu, hagnaðist um 39,2 milljónir króna á síðasta ári. Til samanburðar nam hagnaður 41,6 milljónum króna árið 2019 og lækkaði afkoma því um 5,8% á milli ára. Þetta kemur fram í ársreikningi félagsins.
Velta nam 543,6 milljónum króna á árinu og jókst um 5,8% frá fyrra ári, þegar hún nam 513,9 milljónum. Rekstrargjöld námu 494,6 milljónum og jukust um 7,1%. Rekstrarhagnaður nam því 59,9 milljónum og lækkaði um 7,7% á milli ára.
Laun og launatengd gjöld námu 221,4 milljónum króna og jukust um 8,2% frá fyrra ári en meðalfjöldi starfa á árinu var 32, tveimur fleiri árið áður.
Eignir Ísbúðar Vesturbæjar námu 74,9 milljónum króna í lok árs, 1,8% minna en á sama tíma ári fyrr. Skuldir námu 31,2 milljónum og jukust um 3,8%, þar sem birgða- og lánardrottnastöður hækkuðu lítillega milli ára, en í skýringu kemur fram að það skýrist aðallega af tilfallandi viðskiptum í árslok. Eigið fé nam 43,7 milljónum og lækkaði um 1,8% og var eiginfjár hlutfall því 58,4%, samanborið við 59,7% ári fyrr.
Í lok árs var allt hlutafé í Ísbúð Vesturbæjar í eigu Kjarnavara hf. og er Katla Guðjónsdóttir framkvæmdastjóri.
