*

fimmtudagur, 18. júlí 2019
Innlent 12. apríl 2019 15:43

Ísey væntanlegt á Japansmarkaði

Ísey Skyr er væntanlegt á markað í Japan. Varan gæti endaði í hillum allt að 50.000 verslana í Japan á næstu árum.

Ritstjórn
Kazuhiro Mikuni aðstoðarforstjóri Nippon Ham, Yoshihide Hata forstjóri Nippon, Jón Axel Pétursson framkvæmdastjóri Ísey Export og Bolli Thoroddsen forstjóri Takanawa ásamt þeim Yoshihiko Ishii forstjóra Nippon Luna og Ari Edwald forstjóra MS.
Aðsend mynd

Á mánudaginn síðastliðinn kom til landsins Yoshihide Hata forstjóri Nippon Ham, sem er eitt stærsta fyrirtæki Japans á sviði ferskra og frosinna matvæla og jafnframt fjórði stæsti kjötframleiðandi í heims. Þar starfa 30.000 manns og fyrirtækið veltir um 1.400 milljörðum árlega. Heimsókn hans tengist undirbúningi framleiðslu og sölu á Ísey Skyr í Japan, en dótturfyrirtæki Nippon Ham, mjólkurvörufyrirtækið Nippon Luna gerði framleiðslu og vörumerkjasamning um Ísey Skyr við MS á síðasta ári. Greint er frá þessu í fréttatilkynningu.

Í tilkynningunni segir að Nippon Ham hafi fyrr á árinu tekið ákvörðun um að gera Ísey Skyr að sinni aðal heilsuvöru sem sé mjög þýðingarmikið fyrir alla markaðssókn sem viðkemur Ísey Skyri þar í landi. Áætlanir geri ráð fyrir að mikill kraftur verði settur í markaðssetninguna og að koma Ísey vel á kortið áður en Ólympíuleikarnir hefjast í Tókýó árið 2020.

Verið sé að ljúka byggingu nýrrar verksmiðju í nágrenni Tókýó sem hefur framleiðslu á Ísey Skyr fyrir Japans markað á næstu mánuðum. Heimsókn forstjóra Nippon Ham hafi því mikla þýðingu fyrir markaðssetningu á Ísey Skyr í Japan, þar sem sterk staða Nippon Ham geti mögulega komið vörunni í allt að 50.000 verslanir í Japan á næstu árum.

Guðlaugur Þór Þórðarsson, utanríkisráðherra Íslands, tók í vikunni á móti forstjóranum ásamt Kitagawa Yasuhiku, sendiherra Japans á Íslandi.  Guðlaugur var viðstaddur undirritun uupphaflega samningsins í Japan 29.maí s.l. og hefur lagt mikla áherslu á viðskiptasamstarf ríkjanna. Einnig átti Þórdís Kolbrún Gylfadóttir Reykfjörð ferðamála-iðnaðar og nýsköpunarráðherra Íslands fund með forstjóra Nippon Ham s.l. mánudag. Þórdís var í Japan í september 2018 og hefur einnig lagt mikla áherslu á viðskiptasamstarf ríkjanna m.a. á sviði jarðhita, nýsköpunar og ferðamála.

Forstjóri Nippon Ham heimsótti í ferðinni afurðastöð MS á Selfossi og höfuðstöðvar MS í Reykjavík þar sem viljayfirlýsing um frekara samstarf í Asíu var undirritað af Ara Edwald forstjóra MS og Yoshihiko Ishii forstjóra Nippon Luna.

Stikkorð: Japan MS Ísey
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is