Ísfélag Vestmannaeyja hagnaðist um 10,2 milljónir Bandaríkjadala á síðasta ári sem jafngildir 1,3 milljörðum íslenskra króna. Árið 2017 hagnaðist félagið um 4,2 milljónir dollara sem jafngildir 530 milljónum íslenskra króna.
Rekstartekjur fyrirtækisins á síðasta ári námu 107 milljónum dollara en rekstrargjöldin voru 84,9 milljónir dollara.
Eignir samstæðunnar í árslok 2018 námu 282 milljónum dollara. Bókfært eigið fé í árslok síðasta árs var 133,7 milljónir dollara og eiginfjárhlutfallið var 47,3%.
Fjöldi ársverka hjá samsteypunni voru 242 en 234 hjá móðurfélaginu.
