*

fimmtudagur, 12. desember 2019
Innlent 21. október 2019 13:13

Ísfiskur fær fyrirgreiðslu

Ísfiskur á Arkanesi fær lánafyrirgreiðslu hjá Byggðastofnun háð skilyrðum sem óvíst er að félagið uppfylli.

Ritstjórn
Albert Svavarsson er framkvæmdastjóri Ísfisks á Akranesi.
Haraldur Guðjónsson

Fiskvinnslan Ísfiskur, sem á dögunum sagði öllu eða um 40 starfsmönnum sínu á Akranesi upp störfum, hefur fengið jákvæða afgreiðslu á lánaumsókn sinni hjá stjórn Byggðastofnunar.  Framkvæmdastjóri félagsins, Albert Svavarsson, segir hins vegar í samtal við héraðsfréttavefinn skessuhorn.is að fyrirgreiðslan sé háð uppfylltum skilyrðum sem félagið þurfi tíma til að uppfylla. 

Óvissa er því enn um framtíð félagsins og starfsemi þess á Akranesi, en Albert er vongóður um að fyrirtækinu takist að koma til móts við kröfur stjórnar Byggðastofnunar á næstu dögum. 

„Ég er vongóður og vona innilega að starfsfólk okkar geti fengið jákvæð tíðindi fyrir mánaðamótin,“ segir Albert í samtali við Skessuhorn.