Iceland Seafood International (ISI) kemur nýtt inn í úrvalsvísitöluna (OMXI10) í stað Eikar fasteignafélags þann 1. júlí næstkomandi.
Vísitalan er samsett af þeim tíu félögum sem mest viðskipti eru með á hlutabréfamarkaði kauphallarinnar. Endurskoðun á sér stað tvisvar á ári og tekur ný samsetning vísitölunnar gildi í janúar annars vegar og í júlí hins vegar.
Samsetning OMXI10 vísitölunnar frá og með 1. júlí 2021 verður eftirfarandi:
- Arion banki
- Festi
- Hagar
- Icelandair
- Iceland Seafood International
- Kvika banki
- Marel
- Reitir fasteignafélag
- Síminn
- Vátryggingafélag Íslands