Ástand efnahagsmála á Íslandi er eitt af því sem mun hafa áhrif á ákvörðun seðlabankans í Suður-Afríku um hvort hækka eigi stýrivexti í dag. Þetta kemur fram í frétt suður-afríska vefmiðilsins iafrica.com.
Skiptar skoðanir eru um hvort seðlabankinn í Suður-Afríku muni hækka vexti eða ekki. Hagfræðingar benda á þrennt sem þurfi að hafa í huga og auki líkurnar á vaxtahækkun. Í fyrsta lagi veik staða randsins (suður-afríska gjaldmiðilsins), í öðru lagi verri horfur í efnahagsmálum Íslands og breyting á lánshæfismati og í þriðja lagi neyðarfundar vegna vaxtaákvörðunar í tyrkneska seðlabankanum.
Í frétt iafrica.com kemur fram að íslenska krónan hafi ekki verið lægri gagnvart dollar í 16 mánuði. Þá er bent á að horfur í efnahagsmálum séu neikvæðar að mati lánshæfisfyrirtækja, vegna miklis viðskiptahalla og aukinna erlendra nettó skulda. Sagt er að seðlabankinn kunni að neyðast til að hækka vexti til að koma í veg fyrir frekari veikingu krónunnar.
