Nú rétt í þessu var dregið í riðla fyrir lokakeppni heimsmeistaramótsins í Rússlandi 2018. Ísland er í þriðja styrkleikaflokki og lenti í riðli D með Argentínu, Króatíu og Nígeríu.
Reglurnar í dráttinum er með þeim hætti að engin tvö lið úr sömu heimsálfu geta lent saman í riðli fyrir utan það að tvær Evrópuþjóðir verða saman í sex af átta riðlum. Þannig reiknuðu spekingar fyrir dráttinn að líklegast væri að Ísland lenti í riðli með Mexíkó, Nígeríu eða Marokkó. Ólíklegast var hins vegar að Ísland mætti Serbíu og næst ólíklegast var að lenda með gestgjöfunum, Rússum, sem lentu í einum auðveldasta riðlinum með Úrúgvæ, Egyptalandi og Sadí Arabíu.
Englendingar, sem höfðu sennilega lítinn áhuga á að lenda með Íslendingum, lentu í riðli með Belgíu, Túnis og Panama sem er töluvert auðveldari riðill en Ísland lenti í.
Yfirlit yfir alla riðlana má sjá hér að neðan.
Riðill A
1. Styrkleikaflokkur Rússland
2. Styrkleikaflokkur Úrúgvæ
3. Styrkleikaflokkur Egyptaland
4. Styrkleikaflokkur Sádí Arabía
Riðill B
1. Styrkleikaflokkur Portúgal
2. Styrkleikaflokkur Spánn
3. Styrkleikaflokkur Íran
4. Styrkleikaflokkur Marokkó
Riðill C
1. Styrkleikaflokkur Frakkland
2. Styrkleikaflokkur Perú
3. Styrkleikaflokkur Danmörk
4. Styrkleikaflokkur Ástralía
Riðill D - Riðill Íslands
1. Styrkleikaflokkur Argentína
2. Styrkleikaflokkur Króatía
3. Styrkleikaflokkur Ísland
4. Styrkleikaflokkur Nígería
Riðill E
1. Styrkleikaflokkur Brasilía
2. Styrkleikaflokkur Sviss
3. Styrkleikaflokkur Kosta Ríka
4. Styrkleikaflokkur Serbía
Riðill F
1. Styrkleikaflokkur Þýskaland
2. Styrkleikaflokkur Mexíkó
3. Styrkleikaflokkur Svíþjóð
4. Styrkleikaflokkur Suður-Kórea
Riðill G
1. Styrkleikaflokkur Belgía
2. Styrkleikaflokkur England
3. Styrkleikaflokkur Túnis
4. Styrkleikaflokkur Panama
Riðill H
1. Styrkleikaflokkur Pólland
2. Styrkleikaflokkur Kolumbía
3. Styrkleikaflokkur Senegal
4. Styrkleikaflokkur Japan
