Íslenska karlalandsliðið í knattspyrnu verður í mjög erfiðum riðli í undankeppni Evrópukeppninnar 2016. Dregið var í riðla í borginni Nice morgun en EM 2016 fer einmitt fram í Frakklandi.
Ísland verður riðli með Hollandi, sem spilaði úrslitaleikinn við Spán á HM 2010, Tékklandi, Tyrklandi, Lettlandi og Kashakstan.
Athygli vakti að sérstaklega var tekið fram að af pólitískum ástæðum gætu hvorki Spánn og Gíbraltar né Azerbaijan og Armenía dregist saman í riðil.
Riðlarnir eru svona:
- A-riðill: Holland, Kazakhstan, Ísland, Lettland, Tyrkland, Tékkland.
- B-riðill: Bosnía og Herzegóvína, Andorra, Kýpur, Wales, Ísrael, Belgía.
- C-riðill: Spánn, Lúxemborg, Makedónía, Hvíta-Rússland, Slóvakía, Úkraína.
- D-riðill: Þýskaland, Gíbraltar, Georgía, Skotland, Pólland, Írland.
- E-riðill: England, San Marínó, Litháen, Eistland, Slóvenía, Sviss.
- F-riðill: Grikkland, Færeyjar, Norður-Írland, Finnland, Rúmenía, Ungverjaland.
- G-riðill: Rússland, Liechtenstein, Moldóva, Svartfjallaland, Austurríki, Svíþjóð.
- H-riðill: Ítalía, Malta, Azerbaidjan, Búlgaría, Noregur, Króatía.
- I-riðill: Portúgal, Albanía, Armenía, Serbía, Danmörk.