Ísland færist niður um eitt sæti á listanum sem Transparency International tekur saman stig spillingar í löndum heims, og hafnar í sjöunda sæti.
Könnunin tekur til 180 landa, en í fyrsta sæti sitja frændur vorir Danir sem þykja lítt spilltasta land heims.
Í öðru sæti situr Svíþjóð og Nýja-Sjáland í hinu þriðja. Þar á eftir fylgja Singapúr, Finnland, Sviss og loks Ísland. Holland, Ástralía og Kanada fylgja síðan í kjölfarið. Lönd sem eru tekin fyrir í könnuninni hljóta einkunn.
Spilltasta land heims er Sómalía, samkvæmt könnun TI. Írak og Myanmar deila næst- og þriðja síðasta sætinu, og Írak er síðan skör ofar.
Ísland kemur því ekki jafnvel út úr spillingarkönnun TI eins og undanfarin ár. Fyrir tveimur árum voru Íslendingar í fyrsta sæti listans, og landið þótti hið minnst spillta í heimi. Í fyrra var Ísland í sjötta sæti, og síðan eins og áður sagði situr landið í sjöunda sæti nú.
