Íslenska hagkerfið er viðkvæmara en nokkuð annað nýmarkaðshagkerfi fyrir frekari þrengingum á alþjóðlegum fjármálamörkuðum, samkvæmt svokallaðri viðkvæmnisvog (e. Liquidity Vulnerability Index) alþjóðlega matsfyrirtækisins Standard & Poor´s.
Viðkvæmnisvogin byggist að hluta til á því hversu háð ríkin eru innstreymi erlends fjármagns til að fjármagna halla á viðskiptum við útlönd.
Á eftir Íslandi – sem er sagt vera „heiðursmeðlimur” í hópnum sökum mikillar fylgni á milli íslenska hagkerfisins og nýmarkaðshagkerfa – kemur Líbanon, Rúmenía og Lettland.
Almennt eru nýmarkaðsríki í Austur-Evrópu talin viðkvæmari fyrir hinni alþjóðlegu lánsfjárkreppu heldur en nýmarkaðslönd í Asíu og Suður-Ameríku, sem mörg hver ráða yfir feykilegum gjaldeyrisvaraforða og eru auk þess með mikinn afgang i viðskiptum við önnur lönd.
Viðkvæmnisvog Standard & Poor´s leiðir jafnframt í ljós að viðkvæmustu ríkin gagnvart fjármálakreppu eru evrópsk. Í hópi tólf viðkvæmustu ríkjanna eru Líbanon og Suður-Afríka einu löndin fyrir utan Evrópu.
Chile stendur best að vígi af nýmarkaðsríkjunum fjörutíu til þess að standa af sér umrótið á alþjóðlegum fjármálamörkuðum, segir Standard & Poor´s, vegna mikils viðskiptaafgangs og góðrar skuldastöðu ríkisins.
Önnur nýmarkaðsríki sem eru lítt viðkvæm fyrir versnandi aðstæðum á fjármálamörkuðum eru Kína, Venesúela, Trínidad og Tóbagó og Nígería.
Rússland, Tékkland og Slóvakía eru hins vegar einu nýmarkaðsríkin í Evrópu sem mælast með neikvætt gildi, sem gefur til kynna að viðkvæmni sé undir meðaltali.
_____________________________________
Viðkvæmnisvog Standard & Poor´s. Jákvætt gildi gefur til kynna að viðkvæmni sé yfir meðaltali, en neikvætt gildi - þau sem eru innan sviga - að fjárhagsleg viðkvæmni sé undir meðaltali.
- Iceland 2.04
- Lebanon 1.61
- Romania 1.59
- Latvia 1.51
- Turkey 1.16
- Kazakhstan 1.11
- Hungary 0.97
- Bulgaria 0.92
- Poland 0.92
- Lithuania 0.89
- South Africa 0.84
- Ukraine 0.76
- Tunisia 0.68
- Colombia 0.47
- Ecuador 0.44
- Serbia 0.42
- El Salvador 0.26
- Egypt 0.10
- India 0.10
- Slovak Republic (0.01)
- Brazil (0.04)
- Morocco (0.22)
- Pakistan (0.22)
- Czech Republic (0.30)
- Vietnam (0.36)
- Dominican Republic (0.38)
- Argentina (0.41)
- Uruguay (0.46)
- Thailand (0.68)
- Mexico (0.78)
- Malaysia (0.84)
- Indonesia (0.86)
- Philippines (0.92)
- Russia (1.00)
- China (1.08)
- Venezuela (1.48)
- Trinidad and Tobago (1.56)
- Peru (1.61)
- Nigeria (1.69)
- Chile (1.90)