Íslandsbanki hefur sagt tuttugu manns upp störfum, samkvæmt frétt Vísis.
Flestum verður að sögn sagt upp í höfuðstöðvum bankans. Almennar hagræðingaraðgerðir er að ræða að sögn Eddu Hermannsdóttur, upplýsingafulltrúa bankans.
Uppsagnirnar dreifast á deildir, og auk þeirra verða ekki ráðnir nýir starfsmenn til að fylla í skarð fimm starfsmanna sem hætta munu störfum vegna aldurs í mánuðinum.
Fregnirnar koma fast á hæla tilkynningar Arion banka í morgun um að 100 starfsmönnum, eða um áttunda hluta starfsliðs bankans, hafi verið sagt upp.